حکومت نے چیئرمین ایف بی آر کو سیکریٹری ریونیو کا اضافی چارج دیدیا

وفاقی حکومت نے فیڈرل بورڈ آف ریونیو (ایف بی آر) کے چیئرمین کو مزید ذمے داریاں دے دیں۔

جاری کیے گئے نوٹیفکیشن کے مطابق چیئرمین ایف بی آر راشد لنگڑیال کو سیکریٹری ریونیو کا اضافی چارج تفویض کیا گیا ہے۔

ذرائع کے مطابق چیئرمین ایف بی آر راشد لنگڑیال کو 3 ماہ یا مستقل سیکریٹری ریونیو کی تعیناتی تک اضافی چارج دیا گیا ہے۔

راشد محمود لنگڑیال چیئرمین ایف بی آر تعینات، نوٹیفکیشن جاری

واضح رہے کہ گریڈ 21 کے راشد محمود لنگڑیال بطور سیکریٹری پاور ڈویژن خدمات انجام دے رہے تھے۔

ذرائع نے بتایا ہے کہ مکمل اختیارات کے لیے چیئرمین ایف بی آر راشد لنگڑیال کو سیکریٹری ریونیو کی ذمے داریاں دینا ناگزیر تھا۔

ان سے قبل امجد زبیر ٹوانہ کے پاس بھی بطور چیئرمین ایف بی آر سیکریٹری ریونیو کا چارج تھا۔

واضح رہے کہ وفاقی حکومت نے ایک روز قبل راشد لنگڑیال کو چیئرمین ایف بی آر تعینات کیا ہے۔