ارشد ندیم کے تاریخ ساز کارنامے کی امریکی میڈیا میں بھی پذیرائی

پیرس اولمپکس میں ارشد ندیم کے تاریخ ساز کارنامے کو امریکی میڈیا سمیت دُنیا میں ہر جگہ سراہا جارہا ہے۔

دُنیائے کھیل کے سب سے بڑے مقابلوں کے جیولن تھرو کے ایونٹ میں پاکستان کے ارشد ندیم کی 92 اعشاریہ 97 میٹر کی طویل تھرو نے کھیل کے شیدائیوں اور میڈیا کی توجہ حاصل کرلی۔

ارشد ندیم کو حکومت اور اسپورٹس بورڈ نے بھرپور سپورٹ کیا، پی ایس بی

ارشد ندیم کے اولمپکس میں میڈل جیتنے کے بعد پاکستان اسپورٹس بورڈ (پی ایس بی) نے دعوی کیا ہے کہ حکومت اور بورڈ نے گولڈ میڈلسٹ ایتھلیٹ کی بھرپور سپورٹ کی ہے۔

دیگر ممالک کے میڈیا کی طرح امریکی اخبار نیویارک ٹائمز میں بھی ارشد کی کامیابی کو نمایاں انداز میں جگہ دی گئی۔

اخبار نے لکھا کہ اولمپکس میں ٹریک اینڈ فیلڈ مقابلوں کی مصروف شب میں ارشد ندیم کا شو شاندار رہا، نہ صرف ارشد نے سونے کا تمغہ حاصل کیا بلکہ اپنی تھرو سے نیا اولمپک ریکارڈ بھی بنادیا، یہ ٹریک اینڈ فیلڈ میں پاکستان کا پہلا اولمپک گولڈ میڈل بھی ہے۔