کراچی کو فوری طور پر تیس کروڑ درختوں کی ضرورت ہے، خالد مقبول صدیقی

متحدہ قومی موومنٹ (ایم کیو ایم) پاکستان کے چیئرمین خالد مقبول صدیقی نے کہا ہے کہ اس شہر کو فوری طور پر تیس کروڑ درختوں کی ضرورت ہے۔ 

انہوں نے کہا کہ پہلے اپنی ضرورت پوری کریں تو ملک کی ضرورت پوری ہوگی۔ کراچی شہر کو کچھ لوگ صحراء بنانا چاہتے ہیں۔ یہ کسی کو شہر دکھائیں تو صرف شرمندگی کے سوا کچھ نہیں بچتا۔

خالد مقبول صدیقی نے کہا کہ وکلاء، صحافیوں اور پریس کلب میں بھی جاکر کہیں گے کہ ملک بچائیں۔ 

چیئرمین ایم کیو ایم پاکستان نے کہا کہ آئیے ہم پہلے تیس کروڑ درختوں کو لگانے کی کوشش کریں۔ 

انہوں نے کہا کہ اس سے پہلے کہ موسمیاتی تبدیلیوں کا زیادہ اثر ہو، ہم خود کو تبدیل کرلیں۔