تحریک انصاف کا ملک گیر احتجاج شروع کرنے کا فیصلہ

پاکستان تحریک انصاف (پی ٹی آئی) نے ملک گیر احتجاج کا سلسلہ شروع کرنے کا فیصلہ کرلیا۔

پشاور میں پی ٹی آئی کی کورکمیٹی کا اجلاس ہوا، جس میں وزیراعلیٰ خیبر پختونخوا علی امین گنڈاپور سمیت مرکزی قائدین نے شرکت کی۔

بانی پی ٹی آئی کا اسٹیبلشمنٹ سے مذاکرات کے دروازے بند کرنے کا اعلان

بانی چیئرمین پاکستان تحریک انصاف (پی ٹی آئی) عمران خان نے اسٹیبلشمنٹ سمیت تمام فریقین سے مذاکرات کے دروازے بند کرنے کا اعلان کردیا ۔

ذرائع کے مطابق اجلاس میں پی ٹی آئی قیادت نے پارٹی رہنماؤں کی حالیہ گرفتاریوں پر ملک گیر احتجاج کا سلسلہ شروع کرنے کا فیصلہ کیا ہے۔

 ذرائع کے مطابق اجلاس میں طے پایا کہ احتجاجی مظاہروں کا سلسلہ جمعے سے شروع کیا جائے گا، ساتھ ہی اسمبلی کے فلور پر بھی پی ٹی آئی رہنماؤں کی گرفتاری کی مذمت کی جائے گی۔