فرمان الہی
نماز کے اوقات
انگلینڈ کے سابق کرکٹر کیون پیٹرسن نے بچوں کے اسکول میں موبائل فون ساتھ لے کر جانے پر پابندی عائد کرنے کا مطالبہ کر دیا۔
کیون پیٹرسن نے سوشل میڈیا ویب سایٹ ایکس پر ایک پوسٹ میں بچوں کے موبائل فون استعمال کرنے کے بارے میں اپنے خیالات کا اظہار کیا ہے۔
اُنہوں نے اپنی پوسٹ میں لکھا ہے کہ دنیا کے تمام اسکولز کو بچوں کے موبائل ساتھ لے کر آنے پر پابندی عائد ہونی چاہیے۔
سابق برطانوی کرکٹر نے کہا کہ ایک بچے کو اسکول میں موبائل کی کوئی ضرورت نہیں ہوتی۔
اُنہوں نے مزید لکھا کہ اگر آپ کو ایسا لگتا ہے کہ بچوں کو اسکول میں موبائل کی ضرورت ہے تو آپ غلط ہیں۔
واضح رہے کہ گزشتہ سال برطانوی حکومت نے ملک میں طلبہ کے اسکولز میں موبائل فون کے استعمال پر مکمل پابندی عائد کر دی ہے۔
اس حوالے سے برطانیہ کی وزارتِ تعلیم کی جانب سے جاری کردہ نئی ہدایات میں کہا گیا ہے کہ حکومت چاہتی ہے کہ طلبہ اسکول میں صرف اپنی تعلیم پر دھیان دیں۔
