گورنر پنجاب نے وزیر اعلیٰ کا الزام مسترد کردیا

گورنر پنجاب سلیم حیدر کا کہنا ہے کہ حلفیہ کہتا ہوں میری کسی کو وائس چانسلر لگانے کی خواہش نہیں، وزیر اعلیٰ مریم نواز سے وائس چانسلر لگانے پر کوئی بات نہیں ہوئی۔

گورنر پنجاب سلیم حیدر نے وزیر اعلیٰ  پنجاب مریم نواز کے الزام کو مسترد کردیا۔

اپنے بیان میں گورنر پنجاب نے کہا کہ ایک نام بتا دیں جو وہ لگانا چاہتے ہیں، چاہتے ہیں تمام تعیناتیاں میرٹ پر ہوں، جو سمری ریجیکٹ کی اس میں لکھا کہ تعیناتیوں کے عمل پر انگلیاں اٹھی ہیں۔

گورنر اپنا وائس چانسلر لگوانا چاہتے ہیں، مریم نواز

اس سے قبل وزیر اعلیٰ  پنجاب مریم نواز نے گورنر پنجاب پر اپنی مرضی کا وائس چانسلر لگوانے کی کوشش کرنے کا الزام عائد کرتے ہوئے کہا تھا کہ گورنر پنجاب اپنا وائس چانسلر لگوانا چاہتے ہیں۔

گورنر پنجاب کا 14 یونیورسٹیوں کے وائس چانسلرز کے تقرر کیلئے وزیراعلیٰ کی سمری پر اعتراض

گورنر پنجاب نے مزید کہا کہ منتخب وائس چانسلر پر کرپشن، منیجمنٹ سے متعلق الزامات سامنے آئے، وائس چانسلر کی سلیکشن پر عدم اطمینان کا اظہار کرتا ہوں۔

 مریم نواز کا کہنا تھا کہ وائس چانسلرز کی تعیناتی پر گورنر کو جس پر اعتراض تھا اسے مسترد کر سکتے تھے، وائس چانسلر کی تعیناتی پر سارا معاملہ پنجاب یونیورسٹی کا ہے، ہر کام میرٹ پر کر رہی ہیں، سفارشیں بہت آتی ہیں، کسی کی نہیں سنتی۔

دوسری طرف وزیر اطلاعات پنجاب عظمیٰ بخاری نے وزیر اعلیٰ پنجاب کے گورنر پنجاب سے منسوب بیان کی تردید کرتے ہوئے کہا کہ وزیر اعلیٰ پنجاب نے گورنر پنجاب سے متعلق اپنی مرضی کے وائس چانسلر لگانے کا کوئی بیان نہیں دیا۔