ہمارے 2 سینیٹرز کو ہراساں کیا جا رہا ہے: سردار اختر مینگل

بلوچستان نیشنل پارٹی کے سربراہ اختر مینگل نے کہا ہے کہ بی این پی کے 2 سینیٹرز اور ان کے خاندانوں کو مسلسل ہراساں کیا جا رہا ہے۔

اپنے ایک بیان میں انہوں نے کہا کہ اب میرے پاس ایک ہی آپشن بچا ہے کہ اپنے سینیٹرز کو مستعفی ہونے کی ہدایت کر دوں۔

اختر مینگل نے کہا ہے کہ ہمارے پاس اس کے سوا کوئی آپشن نہیں بچا ہے، بلوچستان سے اسی سلوک کی وجہ سے میں نے قومی اسمبلی کی رکنیت سے استعفیٰ دیا تھا۔

قومی اسمبلی اور سینیٹ کے اجلاس کل طلب

صدرِ مملکت آصف علی زرداری نے قومی اسمبلی اور سینیٹ کے اجلاس کل طلب کر لیے۔

دوسری جانب صدرِ مملکت آصف علی زرداری نے قومی اسمبلی اور سینیٹ کے اجلاس کل طلب کر لیے ہیں۔

سینیٹ کا اجلاس 17 اکتوبر بروز جمعرات سہ پہر 3 بجے طلب کیا گیا ہے۔

قومی اسمبلی کا اجلاس بھی کل بروز جمعرات سہ پہر 4 بجے طلب کیا گیا ہے۔