فرمان الہی
نماز کے اوقات
پاکستانی شوبز انڈسٹری کی معروف اداکارہ و میزبان مشی خان لائیو شو کے دوران سیلفی لیتے ہوئے صوفے سے گر گئیں۔
مشی خان نے فوٹو اینڈ ویڈیو شیئرنگ ایپ انسٹاگرام پر اپنے مارننگ شو کے دوران پیش آئے اس واقعے کی ویڈیو شیئر کی اور کچھ ہی لمحات میں یہ ویڈیو سوشل میڈیا پر وائرل ہو گئی۔
اس ویڈیو میں دیکھا جا سکتا ہے کہ اداکارہ نے جب اپنے شو میں آئے مہمانوں کے ساتھ سیلفی لینے کی کوشش کی تو توازن بگڑ جانے کے باعث وہ صوفے سے گر گئیں۔
جیسے ہی مشی خان گریں تو پاس بیٹھا ایک شخص اُٹھنے میں ان کی مدد کرنے کے لیے آگے بڑھا اور پھر اداکارہ ہنستے ہوئے زمین سے اٹھ کر صوفے پر بیٹھ گئیں۔
اداکارہ کی اس ویڈیو پر سوشل میڈیا صارفین کا ملا جلا سا ردِعمل سامنے آ رہا ہے۔
کچھ صارفین نے تشویش کا اظہار کرتے ہوئے مشی خان کو محتاط رہ کر کام کرنے کا مشورہ دیا جبکہ دیگر صارفین کا کہنا ہے کہ اداکارہ کا شو کے دوران گرنا کوئی حادثہ نہیں تھا بلکہ یہ لوگوں کی توجہ حاصل کرنے کے لیے شو کے اسکرپٹ کا حصّہ تھا۔
