فرمان الہی
نماز کے اوقات
پاکستان شوبز انڈسٹری کے معروف اداکارہ شہریار منور کے بارے میں سوشل میڈیا پر یہ خبریں گردش کر رہی ہیں کہ وہ رواں سال دسمبر میں شادی کرنے والے ہیں۔
سوشل میڈیا پر شہریار منور کی شادی رواں سال دسمبر میں ہونے کی خبر سامنے آتے ہی اداکار کے مداح یہ جاننے کے لیے بے چین ہیں کہ اُنہوں نے کس لڑکی کو اپنا شریکِ حیات منتخب کیا ہے۔
کچھ صارفین نے یہ قیاس آرائیں کرنا شروع کر دی ہیں کہ شہریار منور اپنی ساتھی اداکارہ ماہین صدیقی سے شادی کرنے والے ہیں۔
یاد رہے کہ کچھ عرصے قبل شہریار منور نے اپنے ایک انٹرویو میں ڈھکے چھپے لفظوں میں اپنی شادی کی تصدیق بھی کی تھی۔
بعد ازاں اُنہوں نے اپنی ایک انسٹا اسٹوری میں ماہین صدیقی کو سالگرہ کے موقع پر سرپرائز پارٹی دینے پر شکریہ ادا کرتے ہوئے ’جان‘ کہہ کر پکارا تھا۔
واضح رہے کہ رواں سال کے آغاز سے ہی شہریار منور اور ماہین صدیقی کی شادی کی خبریں سوشل میڈیا پر گردش کر رہی ہیں۔
