فرمان الہی
نماز کے اوقات
پاکستان شوبز انڈسٹری سے وابستہ معروف اداکارہ زینب رضا نے سابق صدر پرویز مشرف سے اپنے تعلقات سے متعلق انٹرنیٹ پر گردش کرنے والی افواہوں پر لب کشائی کر دی۔
حال ہی میں اس ابھرتی ہوئی خوبصورت اداکارہ نے نجی ٹی وی چینل کے پروگرام میں بطور مہمان شرکت کی جہاں انہوں نے مختلف امور پر کھل کر گفتگو کی اور ساتھ ہی سوشل میڈیا پر گردش کرنے والی مختلف افواہوں پر بھی وضاحت کی۔
انہوں نے ایک سوال کا جواب دیتے ہوئے کہا کہ انٹرنیٹ پر مجھ سے متعلق بہت کچھ غلط لکھا جا رہا ہے، میں نہ تو امریکا سے آئی ہوں اور نہ ہی میری عمر 23 برس ہے۔
اداکارہ کا کہنا ہے کہ میں 26 برس کی ہوں جبکہ گوگل کے مطابق میں اب بھی 23 کی ہوں جو کہ غلط ہے، گوگل کے مطابق میرا دوست احمد میرا بوائے فرینڈ ہے جبکہ ایسا کچھ نہیں ہے، اس کے علاوہ گوگل پر لکھا ہے کہ سابق صدر پرویز مشرف میرے نانا ہیں لیکن ایسا نہیں ہے، میرا ان سے کوئی تعلق نہیں ہے۔
زینب رضا کا مزید کہنا ہے کہ اگر میں کبھی سوشل میڈیا پر اپنے والدین کے ساتھ تصاویر پوسٹ کر دوں تو لوگ کمنٹ کرتے ہیں کہ یہ پرویز مشرف کے بیٹے، بیٹی ہیں اور اگر کبھی میں اپنے حقیقی نانا کی تصاویر شیئر کروں تو تب بھی یقین نہیں کرتے۔
ان کا یہ بھی کہنا ہے کہ گوگل کی وجہ سے مداحوں کی میرے متعلق زیادہ تر معلومات درست نہیں ہیں۔
