فرمان الہی
نماز کے اوقات
چیف جسٹس آف پاکستان، جسٹس یحییٰ آفریدی نے بلوچستان کے ہر ڈویژن میں جیل کے قیام پر زور دیا ہے۔
سپریم کورٹ کے اعلامیے کے مطابق چیف جسٹس پاکستان یحییٰ آفریدی کے ملک کے دور دراز اضلاع کے دورے جاری ہیں۔ چیف جسٹس کے دورہ گوادر کا آج دوسرا روز تھا، انہوں نے گوادر سب جیل کا دورہ کیا۔
سپریم کورٹ اعلامیے کے مطابق چیف جسٹس بلوچستان اور دیگر ججز بھی چیف جسٹس پاکستان کے ہمراہ تھے، اس دوران انڈر ٹرائل قیدیوں کی سہولیات کا جائزہ لیا گیا۔
اعلامیے کے مطابق چیف جسٹس نے قیدیوں کی فلاح و بہبود اور بنیادی ڈھانچے کی بہتری اور بلوچستان کے ہر ڈویژن میں جیل کے قیام پر زور دیا۔
سپریم کورٹ اعلامیے کے مطابق سرکاری حکام نے چیف جسٹس کو مکران اور ژوب ڈویژن میں جیلوں کے قیام کی یقین دہانی کرائی۔
