فرمان الہی
نماز کے اوقات
نو منتخب امریکی صدر ڈونلڈ ٹرمپ نے عہدہ سنبھالنے سے پہلے اپنی کرپٹو کرنسی لانچ کر دی۔
غیر ملکی میڈیا کے مطابق مذکورہ کرپٹو کرنسی کا نام ٹرمپ ڈالر رکھا گیا ہے، نئی کرنسی لانچ ہوتے ہی اس کی قیمت میں کئی گنا اضافہ ہوا ہے۔
ٹرمپ کی اس کرنسی سے کچھ بھی خریدا نہیں جا سکتا مگر ان کے مداحوں نے دھڑا دھڑ یہ کرنسی خریدنا شروع کر دی۔
لانچ ہونے کے 24 گھنٹوں کے اندر اندر اس کرنسی کی مارکیٹ کیپٹلائزیشن ساڑھے 5 ارب ڈالرز تک پہنچ گئی۔
ڈونلڈ ٹرمپ نے اپنے سوشل میڈیا پلیٹ فارم ٹروتھ پر پوسٹ شیئر کرتے ہوئے اس سکے کی نقاب کشائی کی، جسے کسی خاص شخصیت، تحریک یا وائرل انٹرنیٹ ٹرینڈ کی مقبولیت سے فائدہ اٹھانے کے لیے ڈیزائن کیا گیا ہے۔
ٹرمپ نے پوسٹ میں لکھا ہے کہ یہ ان کی جانب سے ایک آفیشل Meme ہے، یہ وقت ہے کہ ہم اپنی ہر کامیابی کا جشن منائیں۔
ابھی یہ واضح نہیں ہے کہ ٹرمپ اس منصوبے سے کتنی رقم کما سکتے ہیں۔
