فرمان الہی
نماز کے اوقات
گورنر پنجاب سردار سلیم حیدر خان نے کہا ہے کہ گورنر ہاؤس کے دونوں اسکولوں کو ماڈل اسکول بنانا چاہتے ہیں۔
لاہور میں تقریب سے خطاب کرتے ہوئے سردار سلیم حیدر خان نے کہا کہ بچوں کی خوراک پر توجہ دی جائے گی تو ان کی صحت بہتر ہو گی۔
گورنر پنجاب نے کہا کہ بچوں کی نشو و نما کے اقدامات کے لیے حکومتی سرپرستی ضروری ہے۔
سردار سلیم حیدر خان نے کہا کہ گورنر ہاؤس، پنجاب فوڈ اتھارٹی کے ساتھ ہے، ہر سہولت فراہم کریں گے۔
انہوں نے کہا کہ جنہوں نے گورنر ہاؤس کو یونیورسٹی بنانے کا دعویٰ کیا تھا وہ آج جیل میں ہیں، ضروری تو نہیں کہ گورنر ہاؤس کو ہی یونیورسٹی بنایا جائے۔
گورنر پنجاب نے یہ بھی کہا کہ وزیرِاعلیٰ پنجاب مریم نواز اچھا کام کریں گی تو ضرور تعریف کروں گا، ہم سسٹم بچانے کے لیےحکومت کے ساتھ ہیں، جہاں محسوس ہو گا، غلط ہو رہا ہے تنقید کریں گے۔
