فرمان الہی
نماز کے اوقات
فیڈرل بورڈ آف ریونیو (ایف بی آر) کے افسروں کےلیے 6 ارب روپے سے 1010 گاڑیوں کی خریداری کا عمل منجمد کردیا گیا۔
چیرمین ایف بی آر راشد لنگڑیال نے سینیٹ قائمہ کمیٹی کو بریفنگ کے دوران کہا کہ گاڑیوں کی خریداری سے قبل پیپرا سے تجزیہ کروایا جائے گا اور کمیٹی کو مطمئن کیا جائے گا۔
سینیٹ قائمہ کمیٹی خزانہ کا سلیم مانڈوی والا کی زیر صدارت اجلاس ہوا، جس میں فیڈرل بورڈ آف ریونیو (ایف بی آر) کی جانب سے 1010 گاڑیوں کی خریداری کا معاملہ زیر بحث آیا۔
اجلاس میں سینیٹر فیصل واوڈا نے انکشاف کیا کہ گاڑیوں کی خریداری کا معاملہ اٹھانے پر انہیں ایف بی آر کے تین افسروں نے جان سے مارنے کی دھمکیاں دی ہیں۔
کمیٹی نے تحقیقات کے لیے معاملہ ایف آئی اے کے سپرد کرنے کا فیصلہ کیا۔
