فرمان الہی
نماز کے اوقات
معروف گلوکار و میزبان فخرِ عالم خطرناک روڈ حادثے میں بال بال بچ گئے۔
میڈیا رپورٹس کے مطابق فخرِ عالم کی کار کو کل صبح اس وقت سنگین حادثہ پیش آیا جب وہ شوٹنگ کے لیے اپنے گھر سے مطلوبہ مقام کی جانب گامزن تھے۔
میڈیا رپورٹس کے مطابق گلوکار کی کار ایک ٹرک سے جا ٹکرائی تھی جبکہ فخرِ عالم اس حادثے میں محفوظ رہے تھے۔
واقعہ چنیوٹ کے نواح میں پیش آیا جہاں ٹرک نے غیر متوقع طور پر یو ٹرن لیا جس کے باعث فخر عالم کی گاڑی کو حادثہ پیش آیا۔
دوسری جانب فخر عالم نے خوفناک حادثے میں بچ جانے پر اپنی راحت کا اظہار کرتے ہوئے ایکس پر لکھا ہے کہ یہ کسی معجزے سے کم نہیں کہ میں اس خوفناک حادثے میں محفوظ رہا۔
انہوں نے عوام سے اپیل کرتے ہوئے مزید کہا ہے کہ ٹریفک قوانین کی سختی سے پاسداری کریں اور غیر ذمے دار ڈرائیوروں کی فوری اطلاع متعلقہ حکام کو دیں۔
گلوکار نے اس بات پر بھی زور دیا کہ سیٹ بیلٹ باندھنا زندگی بچا سکتا ہے، قانون نافذ کرنے والے اداروں کو چاہیے کہ لاپرواہ ڈرائیوروں کے خلاف سخت کارروائی کریں تاکہ سڑکوں پر ایسے خطرناک حادثات سے بچا جا سکے۔
