فرمان الہی
نماز کے اوقات
جراسک پارک سیریز کی اگلی فلم جراسک ورلڈ ری برتھ کے نئے ٹریلر نے دھوم مچا دی، صرف 2 دن میں 18 ملین سے زائد لوگوں نے اس کا ٹریلر دیکھ لیا۔
ہالی ووڈ پروڈیوسر اسٹیون اسپلبرگ کی پروڈکشن میں بنے والی جراسک پارک سیریز کی 7 ویں فلم اسی سال 2 جولائی 2025ء کو ریلز ہو گی۔
یوٹیوب پر اس کے ٹریلر نے دھوم مچا دی ہے، صرف 2 دن میں 18 ملین سے زائد شائقین نے جراسک ورلڈ ری برتھ کی پہلی جھلک کو دیکھا۔
فلم کی کاسٹ میں اسکارلیٹ جوہانسن ایکشن ایکسپرٹ کے طور پر جلوہ گر ہو رہیں جو ا اس فلم میں ایک خصوصی مشن کا حصہ ہیں، اُن کے ساتھ جانتھن بیلی بھی اہم کرداروں میں نظر آئیں گے۔
گیرتھ ایڈورڈ نے فلم کی ہدایات دی ہیں، میخائل کریکٹن اور ڈیوڈ کویپ نے اسکرین پلے تحریر کیا ہے۔
فلم تھائی لینڈ، لندن اور کیلی فورنیا کی مختلف لوکیشنز پر فلم بند کی گئی ہے۔
یاد رہے کہ اس فلم کے سلسلے کی پہلی فلم جراسک پارک 1993ء میں ریلیز ہوئی تھی، یہ فلم ڈائریکٹ بھی اسٹیون اسپلبرگ نے کی تھی، جو بعد میں آنے والی فلمز میں ایگزیٹو پروڈیوسر تھے۔
اسٹیون اسپلبرگ سائنس فکشن اور تھرلر فلمز بنانے کے حوالے سے کافی شہرت رکھتے ہیں، اُن کی فلمز ٹرانسفارمرز، انڈیا جونز اور جراسک پارک سیریز سنیما پر بڑے بجٹ کی بڑی ہٹ موویز قرار دی جا چکی ہیں۔
