فرمان الہی
نماز کے اوقات
پاکستان کرکٹ ٹیم کے سابق کپتان بابر اعظم ہوم گراؤنڈ پر چیمپئنز ٹرافی یادگار بنانے کیلئے پُرعزم ہیں، کہتے ہیں 2017 سے اب تک بہت کچھ بدل چکا لیکن ہمارا عزم وہی ہے۔
کراچی میں میڈیا سے گفتگو کرتے ہوئے بابر اعظم کا کہنا تھا کہ پاکستان میں طویل عرصے بعد آئی سی سی ایونٹ ہو رہا جس پر ہر کوئی پُرجوش ہے۔
انہوں نے کہا کہ 2017 چیمپئنز ٹرافی کی بہترین یادوں میں فخر کی سنچری، عامر کا اسپیل اور میچ کے آخری لمحات ہیں۔
بابر اعظم کا کہنا تھا کہ چیمپئنز ٹرافی جیتنے کے بعد 8 سال میں بہت کچھ بدلا، اس اسکواڈ کے چند پلیئرز اب بھی ٹیم میں ہیں۔
انہوں نے کہا کہ ٹیم کا آپ پر انحصار کرنا ایک مثبت احساس دیتا ہے، میری ہر میچ میں کوشش ہوتی ہے کہ ٹیم کےلیے بہتر سے بہتر پرفارم کروں۔
سابق کپتان کا کہنا تھا کہ مجھ پر کوئی پریشر نہیں، ماضی کی باتیں بھلا کر نئے دن کیلئے تیار ہیں۔
انہوں نے کہا کہ پاکستان کو چیمپئنز ٹرافی میں ہوم گراؤنڈ کا ایڈوانٹیج ہوگا۔ پاکستان میں کرکٹ ہر ایک کو متحد کرتی ہے، ہر کوئی پاکستان کی فتح کیلئے دعا گو ہوتا ہے۔
