فرمان الہی
نماز کے اوقات
پاکستان کرکٹ ٹیم کے کپتان محمد رضوان نے بھارتی بیٹر ویرات کوہلی کی اننگز اور فٹنس کی تعریف کردی۔
دبئی میں بھارت سے چیمپئنز ٹرافی کے اہم میچ میں شکست کے بعد پریس کانفرنس میں محمد رضوان نے کہا کہ ویرات کوہلی ہمیشہ ہمارے خلاف پرفارم کرتا ہے۔
انہوں نے کہا کہ ہم نے ویرات کوہلی کو میچ کے دوران آؤٹ کرنے کے لیے ہر ممکن کوشش کی مگر کامیابی نہیں ہوئی۔
پاکستانی کپتان نے مزید کہا کہ ویرات کی اننگز اور فٹنس حیران کن ہے، میں داد دوں گا، ابرار نے وکٹ ضرور لی مگر کوہلی اور گل نے میچ کو ہم سے چھین لیا۔
اُن کا کہنا تھا کہ ٹاس جیتنے کا ہم فائدہ نہیں اُٹھا سکے، سعود شکیل کے ساتھ اننگز کو بڑھانا چاہتا تھا مگر خراب شاٹ کھیل کر آؤٹ ہوا۔
محمد رضوان نے یہ بھی کہا کہ ہمارے مڈل آرڈر نے اچھا پرفارم نہیں کیا، ہم 280 رنز بنانا چاہتے تھے مگر بھارتی بولرز نے مڈل اوورز میں اچھی بولنگ کی۔
انہوں نے کہا کہ ہار کو ہم تسلیم کرتے ہیں، چیمپئنز ٹرافی میں آگے جانا مشکل لگتا ہے، ہمیں اپنی فیلڈنگ بہتر کرنے کی ضرور ت ہے، میچ میں ہم نے بہت غلطیاں کیں۔
