فرمان الہی
نماز کے اوقات
وفاقی کابینہ میں توسیع کے بعد آج ہونے والی حلف برداری کی تقریب کے دوران ایک وفاقی وزیر اور دو وزرائے مملکت حلف نہ اٹھاسکے۔
عمران شاہ، شذرہ منصب اور ارمغان سبحانی حلف نہیں اٹھاسکے، اسلام آباد میں ٹریفک جام ہونے کے باعث تینوں وزراء وقت پر نہ پہنچ سکے۔
عمران شاہ نے آج وفاقی وزیر کا حلف اٹھانا تھا جبکہ شذرہ منصب اور ارمغان سبحانی نے بطور وزیر مملکت حلف اٹھانا تھا۔
خیال رہے کہ وفاقی کابینہ میں نئے وزراء و مشیران کو شامل کرلیا گیا، اراکین نے حلف اٹھا لیا۔
حلف برداری کی تقریب ایوان صدر میں منعقد ہوئی، صدر مملکت آصف علی زرداری نے نئے اراکین سے حلف لیا۔
بعدازاں 12 وفاقی وزراء اور 9 وزرائے مملکت کی تعیناتی کا نوٹیفکیشن بھی جاری کردیا گیا۔
