فرمان الہی
نماز کے اوقات
وفاقی کابینہ میں 27 نئے ارکان کا اضافہ ہوگیا، 13 وفاقی وزرا، 11 وزرائے مملکت اور 3 مشیر شامل کرلیے گئے۔
حلف برداری کی تقریب ایوان صدر میں منعقد ہوئی، صدر مملکت آصف علی زرداری نے نئے اراکین سے حلف لیا۔
تقریب میں حلف برداری کی تقریب میں وزیراعظم شہباز شریف، چیئرمین سینیٹ یوسف رضا گیلانی، خاتون اول آصفہ بھٹو زرداری بھی موجود تھے۔
حنیف عباسی، معین وٹو، مصطفیٰ کمال، سردار یوسف، اورنگزیب کچھی، رانا مبشر، رضا حیات ہراج اور طارق فضل چوہدری نے بطور وفاقی وزیر حلف اٹھایا۔
حلف اٹھانے والوں میں علی پرویز ملک، شزا فاطمہ، جنید انور اور خالد مگسی بھی شامل ہیں۔
طلال چوہدری، بیرسٹر عقیل ملک، ملک رشید، کھیئل داس کوہستانی، عبدالرحمان کانجو، بلال اظہر کیانی اور مختار بھرت نے بطور وزیر مملکت حلف اٹھایا۔
انکے علاوہ عون چوہدری، وجیہہ قمر نے بھی بطور وزیر مملکت حلف اٹھالیا۔
وفاقی کابینہ میں توسیع کے بعد وفاقی وزراء اور وزرائے مملکت کی تعیناتی کا نوٹیفکیشن جاری کردیا گیا۔
صدر مملکت نے وزیراعظم کی ایڈوائس پر وفاقی وزراء اور وزرائے مملکت کی تعیناتی کی منظوری دی۔
نوٹیفکیشن کے مطابق علی پرویز ملک اور شزہ فاطمہ اب وزیر مملکت کی بجائے وفاقی وزیر ہوں گے۔
علاوہ ازیں تین مشیروں کی تعیناتی کا نوٹیفکیشن بھی جاری کردیا گیا۔ صدر مملکت نے وزیراعظم کی ایڈوائس پر تینوں مشیران کی تعیناتی کی منظوری دی۔
کابینہ ڈویژن نے تینوں مشیروں کی تعیناتی کا نوٹیفکیشن بھی جاری کردیا۔ وزیراعظم کے مشیروں میں ڈاکٹر توقیر شاہ، محمد علی اور پرویز خٹک شامل ہیں۔
وفاقی کابینہ میں توسیع کے بعد آج ہونے والی حلف برداری کی تقریب کے دوران ایک وفاقی وزیر اور دو وزرائے مملکت حلف نہ اٹھاسکے۔
عمران شاہ، شذرہ منصب اور ارمغان سبحانی حلف نہیں اٹھاسکے، اسلام آباد میں ٹریفک جام ہونے کے باعث تینوں وزراء وقت پر نہ پہنچ سکے۔
عمران شاہ نے آج وفاقی وزیر کا حلف اٹھانا تھا جبکہ شذرہ منصب اور ارمغان سبحانی نے بطور وزیر مملکت حلف اٹھانا تھا۔
