فرمان الہی
نماز کے اوقات
بھارتی معروف اداکار وکی کوشل کی فلم چھاوا نے ناصرف باکس آفس پر دھوم مچا دی ہے بلکہ فلمی دنیا میں ایک نیا ریکارڈ قائم کر دیا ہے۔
تاریخی ڈرامہ فلم نے پاکستان اور بھارت دونوں ممالک میں ناظرین کی توجہ حاصل کی ہے۔
چھاوا نے ریلیز کے 18 ویں دن باکس آفس پر 8.25 کروڑ روپے کا بزنس کیا۔
اب تک فلم نے مجموعی طور پر 467 کروڑ روپے کی کُل آمدنی حاصل کر لی ہے اور یہ بھارت کی 11 ویں سب سے زیادہ کمائی کرنے والی فلم بن چکی ہے۔
اس کامیابی کے ساتھ چھاوا نے ایس ایس راجہ مولی کی 2015ء کی فلم باہوبلی کا ریکارڈ توڑ دیا ہے، جس نے ریلیز کے وقت 421 کروڑ روپے سے زیادہ کمائے تھے۔
وکی کوشل نے حال ہی میں انسٹاگرام پر ایک دل کو چھو لینے والی ویڈیو شیئر کی جس میں فلم کے شائقین کا جذباتی ردِعمل دکھایا گیا ہے۔
کلپ میں بچے کو تھیٹر میں روتے ہوئے دکھایا گیا ہے، جس نے اپنے سینے پر ہاتھ رکھ کر چھترپتی سمبھاجی مہاراج کا نام بلند کیا۔
واضح رہے کہ چھاوا ایک مشہور مراٹھی ناول پر مبنی ہے۔
فلم میں وکی کوشل نے بہادر مرہٹہ حکمراں چھترپتی سمبھاجی مہاراج کا کردار ادا کیا ہے، جبکہ رشمیکا منڈانا نے ان کی بیوی مہارانی یسوبائی کا کردار نبھایا ہے۔
