فرمان الہی
نماز کے اوقات
بالی ووڈ کی معروف جوڑی اداکار ابھیشیک بچن اور ایشوریا رائے نے ایک ساتھ نجی تقریب میں شرکت کر کے سب کو حیران کر دیا۔
فوٹو اینڈ ویڈیو شیئرنگ پلیٹ فارم انسٹاگرام پر بھارت کی ہردلعزیز فنکار جوڑی کی ویڈیو وائرل ہو رہی ہے جس میں انہیں ایک شادی کی تقریب میں شرکت کرتے ہوئے دیکھا جا سکتا ہے۔
وائرل ویڈیو میں یہ جوڑی صرف ایک ساتھ ہی نہیں بلکہ ایک دوسرے کی میچنگ کرتے ہوئے سفید لباس میں ملبوس بھی دکھائی دی۔
بھارتی میڈیا کی رپورٹس کے مطابق ممبئی میں معروف ہدایت کار آشوتوش گواریکر کے بیٹے کونارک کی شادی کی تقریبات منعقد ہوئی، مذکورہ وائرل ویڈیو اسی تقریب کی ہے۔
سوشل میڈیا پر وائرل ویڈیو کو دیکھ کر مداحوں کی خوشی کا ٹھکانہ نہ رہا ویڈیو کے کمنٹس میں تبصرہ کرتے ہوئے اس جوڑی کو ساتھ دیکھ کر خوشی کا اظہار کیا۔
ایک صارف نے لکھا ہے کہ 2 خوبصورت اور عاجز لوگوں کو ایک ساتھ دیکھ کر خوشی ہوئی۔
واضح رہے کہ ایشوریا رائے نے 2008ء میں ریلیز ہونے والی ہدایت کار آشوتوش گواریکر کی میگا ہٹ فلم ’جودھا اکبر‘ میں مرکزی کردار نبھایا تھا۔
آشوتوش گواریکر کے بیٹے کی شادی کی اس تقریب میں بالی ووڈ کے کئی معروف ستاروں نے شرکت کر کے اس تقریب کو چار چاند لگائے۔
