فرمان الہی
نماز کے اوقات
وفاقی حکومت نے بلال بن ثاقب کو وزیرِ خزانہ کے چیف ایڈوائزر برائے پاکستان کرپٹو کونسل مقرر کر دیا۔
بلال بن ثاقب قومی معیشت کو جدید ٹیکنالوجی سے ہم آہنگ کرتے ہوئے ڈیجیٹل تبدیلی اور محفوظ و شفاف مالیاتی نظام متعارف کرائیں گے۔
وزارتِ خزانہ نے بلال بن ثاقب کے پاکستان کرپٹو کونسل کا چیف ایڈوائزر بنانے کا نوٹیفکیشن بھی جاری کر دیا۔
اعلامیے کے مطابق بلال بن ثاقب مالیاتی نظام میں کرپٹو کرنسی اور بلاک چین ٹیکنالوجی کی شمولیت پر کام کریں گے۔
وزیرِ خزانہ محمد اورنگزیب نے کہا ہے کہ بلال بن ثاقب کی قیادت میں کرپٹو میں مؤثر ریگولیٹری فریم ورک تیار ہو گا۔
محمد اورنگزیب کا کہنا ہے کہ کرپٹو کرنسی اور بلاک چین ٹیکنالوجی پاکستان کے لیے بے پناہ صلاحیت رکھتی ہے۔
بلال بن ثاقب کے ویب تھری انوسٹر، اسٹریٹجک ایڈوائزر اور بلیک چین اسپیس کا لیڈر ہونے کا اعتراف ممتاز جریدے فور بس نے بھی کیا تھا۔
بلال بن ثاقب کی شاندار خدمات کا اعتراف بادشاہ چارلس، آنجہانی ملکہ برطانیہ اور میئر لندن صادق خان بھی کر چکے ہیں۔
ملک میں مثبت تبدیلی لانے پر وزیرِ اعظم برطانیہ بلال بن ثاقب کو 163nd پوائنٹس آف لائٹس سے بھی نواز چکے ہیں۔
کورونا وباء کے دوران نیشنل ہیلتھ سروس میں ہزاروں مفت کھانے تقسیم کرنے پر بلال بن ثاقب کو ایم بی ای کے اعزاز دیا گیا تھا۔
بلال بن ثاقب وزارت خزانہ کو کارکردگی اور فیصلہ سازی کے عمل کو بہتر بنانے اور آرٹیفیشل انٹیلی جنس کے استعمال کے لیے مشورے بھی دیں گے۔
اس حوالے سے بلال بن ثاقب کا کہنا ہے کہ درست حکمت عملی اور ریگولیٹری فریم ورک کے ساتھ نوجوانوں کو بااختیار بنایا جاسکتا ہے۔
انہوں نے کہا کہ کریپٹو کرنسی اور بلاک چین ٹیکنالوجی کے پاکستان میں بے انتہا مواقع موجود ہیں، نوجوان ڈیجیٹل مستقبل کے محرک بنیں گے۔
