فرمان الہی
نماز کے اوقات
بالی ووڈ میں نازیبا گانوں کے خلاف اداکارہ نیتو چندرا نے پبلک انٹرسٹ لیٹیگیشن (پی آئی ایل) دائر کردی۔
بھارتی میڈیا کے مطابق معاملہ 28 مارچ 2025 کو پٹنہ ہائی کورٹ میں سماعت کےلیے مقرر ہے، عدالت نے معاملے پر وضاحت طلب کرلی ہے۔
درخواست میں دعویٰ کیا گیا ہے کہ یو یو ہنی سنگھ کے گانے "مینیک" میں خواتین کو نازیبا انداز میں پیش کیا گیا ہے۔
اس میں یہ بھی کہا گیا کہ اس گانے میں دوہرا مطلب رکھنے والے الفاظ استعمال کیے گئے ہیں جو خواتین اور بچوں پر منفی اثرات مرتب کر سکتے ہیں۔
درخواست میں مزید کہا گیا کہ اس وقت کوئی قانون ایسا مواد روکنے کےلیے مؤثر طور پر نافذ نہیں کیا گیا۔
درخواست گزار نے عدالت سے اپیل کی ہے کہ فحش اور خواتین کی تذلیل پر مبنی گانوں کے خلاف سخت قوانین بنائے جائیں اور گانے کے تخلیق کاروں، بشمول ہنی سنگھ، گیت گنار لیو گریوال اور بھوجپوری گلوکاروں راگنی وِشواکرمہ اور ارجن اجنبی، کے خلاف کارروائی کی جائے۔
