فرمان الہی
نماز کے اوقات
بھارت نے مقبوضہ کشمیر کی 2 سیاسی تنظیموں پر کالے قانون کے تحت 5 سال کی پابندی لگا دی۔
بھارتی وزارت داخلہ نے میر واعظ عمر فاروق کی عوامی ایکشن کمیٹی اور جموں و کشمیر اتحاد المسلمین پر پابندی لگانے کا نوٹیفیکیشن جاری کیا۔
بھارتی وزارت داخلہ نے ان تنظیموں پر علیحدگی پسند سرگرمیوں میں ملوث ہونے کا الزام لگایا، قابض بھارت کی مودی حکومت 2019ء سے اب تک مقبوضہ کشمیر کی 10 سیاسی تنظیموں پر پابندی لگا چکی ہے۔
مقبوضہ کشمیر کی سابق وزیراعلیٰ محبوبہ مفتی کا کہنا ہے کہ سیاسی تنظیموں پر پابندی جموں و کشمیر کے سیاسی منظر نامے کےلیے ایک اور دھچکا ہے۔
انھوں نے کہا کہ اختلاف رائے دبانے سے تناؤ مزید بڑھے گا، جمہوریت شہریوں کے حقوق کی محافظ ہوتی ہے، بی جے پی کا آوازیں دبانے کا سیاسی ایجنڈا کشمیریوں کے بنیادی حقوق مجروح کر رہا ہے، بھارت اپنے ظالمانہ ہتھکنڈوں سے باز آجائے۔
