فرمان الہی
نماز کے اوقات
پاکستان ڈرامہ انڈسٹری کی خوبرو اداکارہ و ماڈل مومنہ اقبال سے منسوب وائرل ویڈیو کی حقیقیت سامنے آ گئی۔
سوشل میڈیا پر اداکارہ مومنہ اقبال کی ایک جعلی ویڈیو وائرل ہوئی تھی جس میں انہیں اپنی جنس سے متعلق بات کرتے دیکھا جا سکتا ہے۔
اس جعلی ویڈیو کے وائرل ہونے پر سوشل میڈیا پلیٹ فامرز پر قیاس آرائیاں شروع ہو گئی تھیں کہ آیا مومنہ اقبال ایک مکمل لڑکی نہیں ہیں۔
ویڈیو سے متعلق دعویٰ کیا جا رہا تھا کہ اداکارہ نے اپنے ایک انٹرویو کے دوران بتایا ہے کہ اسی وجہ سے بہت چھوٹی عمر میں ان کے خاندان نے انہیں گھر سے نکال دیا تھا۔
واضح رہے کہ جھوٹ پر مبنی یہ ویڈیو اگست 2022ء کو دیے گئے ایک انٹرویو کے ویڈیو کلپ کو ایڈٹ کر کے جعلی طور پر بنائی گئی اور وائرل کی گئی تھی۔
حال ہی میں اس ویڈیو کی حقیقت سے متعلق ’جیو فیکٹ‘ نے اپنی ایک رپورٹ جاری کی ہے۔
’جیو فیکٹ‘ نے اداکارہ کی وائرل ویڈیو کے ایڈٹ شدہ اور جھوٹے ہونے کی تصدیق کی دی ہے۔
جیو فیکٹ کے مطابق اداکارہ کی وائرل ہونے والی متنازع ویڈیو ایڈٹ شدہ ہے اور مومنہ اقبال کا یہ بیان بھی ویڈیو میں جھوٹ پر مبنی ترمیم کے ذریعے گھڑا گیا ہے۔
جیو فیکٹ کی رپورٹ سامنے آنے کے بعد یہ بات تو واضح ہو گئی ہے کہ مذکورہ متنازع ویڈیو جھوٹے بیانیے کو پھیلانے کے لیے ایڈیٹ کی گئی تھی اور مومنہ اقبال نے اپنی جنس یا خاندان سے متعلق کبھی کوئی ایسا بیان نہیں دیا۔
