فرمان الہی
نماز کے اوقات
آسٹریلیا کے سابق کرکٹر ڈیوڈ وارنر کے بعد بھارتی اداکارہ منارا چوپڑا بھی بھارتی ایئر لائن سے پریشان ہو گئیں، انہوں نے برہمی کا اظہار کر دیا۔
فوٹو اینڈ ویڈیو شیئرنگ پلیٹ فارم انسٹاگرام پر عالمی شہرت یافتہ بھارتی اداکارہ پریانکا چوپڑا کی کزن و اداکارہ منارا چوپڑا نے بھاتی ایئر لائن انڈیگو کے رویے کے خلاف ویڈیو ریکارڈ کر کے سوشل میڈیا پر پوسٹ کی ہے۔
اداکارہ کے مطابق انڈیگو ایئر لائنز کے عملے نے فلائٹ میں 17 منٹ باقی رہنے کے باوجود بورڈنگ سے انکار کر دیا۔
بگ باس 17 سے شہرت حاصل کرنے والی اداکارہ نے بھارتی ایئر لائن کے رویے پر سوالات اُٹھا دیے۔
انہوں نے کہا کہ ممبئی ایئر پورٹ پر وقت پر ہونے کے باوجود انڈیگو ایئر لائنز مسافروں کو طیارے پر سوار ہونے سے روک رہی ہیں۔
ویڈیو میں انہوں نے یہ بھی بتایا کہ انڈیگو ایئر لائنز نے غیر پیشہ ورانہ رویہ اختیار کرتے ہوئے مسافروں کو بورڈنگ کے لیے آخر کال نہیں دی اور فلائٹ مقررہ وقت سے 15 منٹ قبل ہی ٹیک آف کر دی۔
اداکارہ کے مطابق ایسا پہلی بار نہیں ہوا ہے بلکہ انڈیگو ایئر لائنز نے اس سے قبل بھی مقررہ وقت سے 15 منٹ قبل فلائٹ ٹیک آف کردی تھی۔
انہوں نے یہ دعویٰ بھی کیا ہے کہ یہ تمام انڈیگو ایئر لائنز کے اضافی پیسے کمانے کے طریقے ہیں۔
