• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
---فائل فوٹو
---فائل فوٹو

ہالی ووڈ کی معروف فلم بیٹ مین فار ایور اور ٹاپ گن میں آئیکونک کردار ادا کرنے والے ویل کلمر 65 برس کی عمر میں چل بسے۔

ویل کلمر طویل عرصے سے صحت کے مسائل کا شکار تھے اور بالآخر لاس اینجلس میں نمونیا کے باعث دنیا سے رخصت ہو گئے۔

2014ء میں ویل کلمر کو گلے کے کینسر کی تشخیص ہوئی تھی، علاج کے دوران ان کی سرجری ہوئی جس میں ٹریکیوٹومی شامل تھی، جس کے نتیجے میں ان کی آواز مستقل طور پر متاثر ہو گئی، تاہم بعدازاں ڈاکٹروں نے انہیں کینسر سے پاک قرار دے دیا تھا۔

ویل کلمر نے 1986ء کی مشہور فلم ٹاپ گن میں آئس مین کا کردار ادا کیا، جس نے انہیں شہرت کی بلندیوں پر پہنچا دیا، وہ 1995ء میں فلم بیٹ مین فار ایور میں بیٹ مین کے کردار میں جلوہ گر ہوئے تھے۔

انہوں نے 1991ء کی فلم دی ڈورز میں موسیقار جم موریسن کا کردار بھی نبھایا، جو ان کے کیریئر کا ایک اور سنگ میل تھا۔

انہوں نے 2022 میں ٹاپ گن میورک میں اپنی آواز کے مسائل کے باوجود مختصر کردار ادا کر کے مداحوں کے دل جیت لیے تھے۔

ویل کلمر نے اپنی بیماری کے دوران بھی ہمت نہیں ہاری اور اپنی جدوجہد کو دستاویزی شکل دی، ان کے بیٹے جیک کلمر نے ایک دستاویزی فلم کے لیے وائس اوور فراہم کیا، لیکن اس کے مکالمے خود ویل کلمر نے تحریر کیے تھے۔

ویل کلمر کی موت کی خبر پر مداح اور ساتھی اداکار گہرے صدمے کا شکار ہیں۔

انٹرٹینمنٹ سے مزید