• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب پولیس کی عائشہ بٹ ایکسی لینس اِن پرفارمنس ایوارڈ 2025ء کیلئے منتخب

فوٹو بشکریہ انسٹاگرام اکاؤنٹ
فوٹو بشکریہ انسٹاگرام اکاؤنٹ

پنجاب پولیس کی خاتون افسر ایس پی عائشہ بٹ نے عالمی اعزاز اپنے نام کر لیا۔

پنجاب پولیس کے ترجمان کے مطابق ایس پی عائشہ بٹ ایکسی لینس اِن پرفارمنس ایوارڈ 2025ء کے لیے منتخب ہو گئی ہیں، ایس پی عائشہ بٹ کو انٹرنیشنل ایسوسی ایشن آف ویمن پولیس کی جانب سے منتخب کیا گیا ہے۔

پنجاب پولیس کے ترجمان کے مطابق ایس پی عائشہ بٹ کو ستمبر میں گلاسگو اسکاٹ لینڈ میں ہونے والی 62 ویں سالانہ کانفرنس میں ایوارڈ دیا جائے گا، عائشہ بٹ ان دنوں سٹی ٹریفک افسر گوجرانوالا کےطور پر خدمات انجام دے رہی ہیں۔


عائشہ بٹ کو پولیسنگ کے شعبے میں شاندار کارکردگی اور خدمات کے اعتراف میں منتخب کیا گیا ہے۔

یہ ایوارڈ ہر سال دنیا بھر سے کسی ایک خاتون پولیس افسر کو غیرمعمولی خدمات کے اعتراف میں دیا جاتا ہے۔

دوسری جانب آئی جی پنجاب ڈاکٹر عثمان انور کی جانب سے ایس پی عائشہ بٹ کو محکمے کا نام روشن کرنے پر مبارکباد دی گئی ہے۔

آئی جی پنجاب ڈاکٹر عثمان انور نے کہا ہے کہ عائشہ بٹ کی کامیابی تمام پولیس بالخصوص خواتین افسران کے لیے باعثِ فخر ہے۔

قومی خبریں سے مزید