فرمان الہی
نماز کے اوقات
بلوم برگ پر پاکستان سے متعلق شائع ہونے والے ریسرچ نوٹ میں کہا گیا ہے کہ آئی ایم ایف کے اسٹاف لیول معاہدے سے پاکستان کی معیشت مزید مستحکم ہو گی۔
بلوم برگ کے ریسرچ نوٹ میں کہا گیا ہے کہ حکومت ستمبر میں معیاد پوری کرنے والے 50 کروڑ بانڈ کی ادائیگی زرِمبادلہ ذخائر سے کر لے گی، پاکستان اپنے قرض ادائیگیوں کا انتظام کر لے گا۔
ریسرچ نوٹ میں کہا گیا ہے کہ پاکستان کو 26 ارب ڈالر کی ادائیگیاں کرنی ہیں جس میں سے حکومت 16 ارب ڈالرز رول اوور کرے گی اور بقایا 10 میں سے اکثر ادا کر چکی ہے۔
بلوم برگ پر شائع ریسرچ نوٹ میں کہا گیا ہے کہ پاکستان خام تیل قیمت سے درآمدی بل اور کمزور برآمدی محصولات سے زرِ مبادلہ کی کمی کو کسی حد تک پورا کرے گا۔
ریسرچ نوٹ میں یہ بھی کہا گیا ہے کہ بارکلیز پاکستان کی اوور ویٹ ریٹنگ کو برقرار رکھتا ہے، پاکستان کی ریٹنگ بی مائنس رہنے کے اندازے ہیں۔
