فرمان الہی
نماز کے اوقات
اسلام آباد، خیبر پختونخوا، آزاد کشمیر اور پنجاب کے مختلف علاقوں میں آج بھی آندھی اور گرج چمک کے ساتھ بارش کا امکان ہے۔
محکمۂ موسمیات کے مطابق خیبر پختونخوا، کشمیر، اسلام آباد، خطہ پوٹھوہار، شمال مشرقی، وسطی پنجاب اور گلگت بلتستان میں آج بھی آندھی اور گرج چمک کے ساتھ بارش متوقع ہے۔
محکمۂ موسمیات کا کہنا ہے کہ چند مقامات پر ژالہ باری اور موسلادھار بارش بھی ہوسکتی ہے۔
محکمۂ موسمیات کے مطابق بالائی سندھ اور شمال مشرقی بلوچستان میں بھی رات کے اوقات میں تیز ہواؤں اور گرج چمک کے ساتھ چند مقامات پر بارش کا امکان ہے۔
واضح رہے گزشتہ روز پنجاب کے مختلف شہروں میں بارش کی وجہ سے فیڈرٹرپ کرگئے جبکہ ملک کے مختلف علاقوں میں تیز آندھی کے ساتھ موسلادھار بارش کی وجہ سے گرمی کا زور ٹوٹ گیا۔
