فرمان الہی
نماز کے اوقات
سیکیورٹی فورسز نے بلوچستان کے ضلع کیچ اور آواران میں 2 مختلف کارروائیوں کے دوران بھارتی پراکسی کالعدم بلوچ لبریشن فرنٹ کے 3 دہشت گرد ہلاک کردیے۔
مسلح افواج کے شعبہ تعلقات عامہ آئی ایس پی آر کے مطابق مارے گئے دہشت گردوں میں گروہ کے سرغنہ صبر اللہ، امجد عرف بچو اور بھارتی اسپانسرڈ دہشت گرد یونس شامل ہیں۔
آئی ایس پی آر کے مطابق تربت، ضلع کیچ میں سیکیورٹی فورسز کی کارروائی میں 2 دہشتگرد مارے گئے۔
آئی ایس پی آر کے مطابق مارے گئے دہشتگردوں میں دہشتگرد گروہ کا سرغنہ صبر اللہ اور امجد عرف بچو شامل ہے۔
سیکیورٹی فورسز نے ضلع آواران کے علاقے گِشکور میں خفیہ اطلاعات پر آپریشن کیا، جس کے دوران بھارتی اسپانسرڈ دہشتگرد یونس ہلاک اور 2 زخمی ہوگئے۔
آئی ایس پی آر کے مطابق ہلاک دہشتگرد قانون نافذ کرنے والے اداروں کے خلاف دہشت گردی کی متعدد کارروائیوں اور بےگناہ شہریوں کی ٹارگٹ کلنگ میں ملوث تھے۔
آئی ایس پی آر کے مطابق علاقے میں ممکنہ دہشتگردوں کے خاتمے کے لیے کلیئرنس آپریشن جاری ہے۔
