فرمان الہی
نماز کے اوقات
_updates.jpeg)
سابق وفاقی وزیر فواد چوہدری کا کہنا ہے کہ پی ٹی آئی کی موجودہ لیڈر شپ کو بانی پی ٹی آئی کی کوئی پروا نہیں ہے۔
لاہور کی انسداد دہشت گردی کی عدالت کے باہر میڈیا سے گفتگو کرتے ہوئے فواد چوہدری نے کہا کہ آج 9 مئی کے 35 مقدموں میں سے ایک مقدمے کی سماعت لاہور میں تھی۔
انہوں نے کہا کہ 9 مئی کے بعد جو ہمارے ساتھ ہوا موجودہ لیڈر شپ کے ساتھ ہوتا تو وہ بھاگ جاتے، موجودہ لیڈر شپ سے پارٹی نہیں چل رہی، بانی پی ٹی آئی کو اس پر فیصلہ کرنا ہو گا۔
فواد چوہدری نے کہا کہ پی ٹی آئی لیڈر شپ بانی پی ٹی آئی کی رہائی کے لیے کچھ نہیں کر رہی، اس لیڈر شپ کو تبدیل کر کے پرانی لیڈر شپ کو واپس لانا چاہیے۔
انہوں نے مزید کہا کہ کل ایران پر حملہ ہوا صرف اپوزیشن کے ایک آدمی نے اس پر پریس کانفرنس کی جبکہ ہمیں ہر صورت میں ایران کے ساتھ کھڑے ہونا چاہیے۔
ان کا یہ بھی کہنا تھا کہ ہم اپنے اسلامی ممالک کے ساتھ کھڑے ہوں اور ایران پر حملے کی مذمت کریں۔
