فرمان الہی
نماز کے اوقات
انگلینڈ کے سابق بیٹر کیون پیٹرسن نے ماضی کے مقابلے میں آج بیٹنگ کرنے کو زیادہ آسان قرار دے دیا۔
سوشل میڈیا اکاؤنٹ پر کیون پیٹرسن نے پیغام لکھا کہ مجھ پر چیخیں مت لیکن ان دنوں بیٹنگ کرنا 20/25 سال پہلے کے مقابلے میں بہت آسان ہے۔
انہوں نے اپنی بات کی وضاحت کرتے ہوئے ماضی کے بہترین بولرز کے نام بھی لکھے۔
کیون پیٹرسن نے اس حوالے سے وقار یونس، وسیم اکرم، شعیب اختر، ثقلین مشتاق، ایلن ڈونلڈ، شان پولک، بریٹ لی، شین وارن اور دیگر بولرز کے نام لکھے۔
انہوں نے اپنی بات سے متعلق صارفین کو بھی ایک کام سونپا۔
کیون پیٹرسن نے لکھا کہ میں نے 22 بولرز کے نام لکھے ہیں، آپ لوگ موجودہ دور کے 10 بولرز کے نام بتائیں جن کا میرے لکھے گئے ناموں سے موازنہ کیا جاسکتا ہے۔
