مالاکنڈ میں جمعیت علماء اسلام (جے یو آئی) کے ضلعی امیر مفتی کفایت اللّٰہ کے بیٹے نے فائرنگ کرکے اپنے بھائی اور 2 بہنوں کو قتل کر دیا۔
فائرنگ سے مفتی کفایت اللّٰہ اور ان کی بیٹی زخمی ہوگئی تھی جو دوران علاج دم توڑ گئی۔
پولیس نے ملزم کو گرفتار کرکے مقدمہ درج کر لیا گیا۔
ڈپٹی کمشنر حامدالرحمان کے مطابق تحصیل بٹ خیلہ کے علاقے ثمن آباد میں مفتی کفایت اللّٰہ کے بیٹے معتصم اللّٰہ نے گھر میں فائرنگ کردی، فائرنگ سے مفتی کفایت اللہ کا ایک بیٹا اور بیٹی موقع پر جاں بحق ہوگئے۔
مفتی کفایت اللّٰہ اور ایک بیٹی فائرنگ سے زخمی ہوگئے، لاشوں اور زخمیوں کو بٹ خیلہ اسپتال منتقل کیا گیا جہاں زخموں کی تاب نہ لاتے ہوئے بیٹی دم توڑ گئی، یوں واقعے میں جاں بحق ہونے والوں کی تعداد 3 ہوگئی ہے۔
پولیس کا کہنا ہے کہ ابتدائی تحقیقات کے مطابق گھریلو تنازع پر ملزم نے فائرنگ کی، واقعے کی مزید تحقیقات کی جارہی ہیں۔