فرمان الہی
نماز کے اوقات
ڈی جی پروونشل ڈیزاسٹر مینجمنٹ اتھارٹی (پی ڈی ایم اے) پنجاب عرفان علی کاٹھیا نے کہا ہے کہ موسمیاتی تبدیلی اب ایک حقیقت ہے، موسمیاتی شدت سے ایک ادارہ نہیں نمٹ سکتا۔
راولپنڈی میں میڈیا سے گفتگو کرتے ہوئے انہوں نے کہا کہ مری ایکسپریس وے پر آج بھی لینڈ سلائیڈنگ ہوئی ہے، سیاحوں سے گزارش ہے مری کا رخ نہ کریں۔
عرفان علی کاٹھیا کا کہنا تھا کہ مون سون کا ساتوں اسپیل جاری ہے، اگلے 48 گھنٹوں میں مزید بارشیں متوقع ہیں، ساڑھے 4 لاکھ کیوسک پانی دریائے سندھ میں بہہ رہا ہے، دریاؤں کے کنارے آبادیوں کو منتقل کیا جا رہا ہے۔
ڈی جی پی ڈی ایم اے نے کہا کہ پوٹھوہار خطے میں فلیش فلڈنگ کا خطرہ ہے، پوٹھوہار ریجن میں تمام ڈی سیز کو ہدایات ہیں کہ انتظامات مکمل رکھیں۔ چکوال، جہلم اور پنڈی میں پیشگی وارننگ جاری کی گئی ہے۔
ان کا کہنا تھا کہ وزیر اعلیٰ پنجاب نے وزیر اعلیٰ خیبرپختونخوا سے رابطہ کیا ہے، حکومت پنجاب اور کے پی حکومت رابطے میں ہیں، پنجاب حکومت کے پی عوام کی ہر ممکن امداد کرے گی۔
انہوں نے یہ بھی کہا کہ نالہ لئی اتنا بوجھ اٹھارہا ہے جو اس کی گنجائش سے زائد ہے، نالہ لئی کی صفائی کا دوبارہ جائزہ لے رہے ہیں۔
