• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان چین کے درمیان آرمڈ کنٹرول، عدم پھیلاؤ اور تخفیف اسلحہ پر مشاورتی اجلاس

آج کا اخبار
اہم خبریں
20 اگست ، 2025
اسلام آباد(صباح نیوز)پاکستان اور چین کے درمیان آرمڈ کنٹرول، عدم پھیلا اور تخفیف اسلحہ پر جاری 10واں دو طرفہ مشاورتی اجلاس بیجنگ میں اختتام پذیر ہوگیا، جس میں فریقین نے جنوبی ایشیا کی صورتحال، خصوصا خطے کو درپیش سلامتی اور تذویراتی استحکام کے چیلنجز پر غور اور عالمی اور علاقائی امن و سلامتی سے متعلق امور پر تفصیلی تبادلہ خیال کیا۔ اجلاس کی صدارت پاکستان کی جانب سے وزارت خارجہ کے ڈویژن برائے اسلحہ کنٹرول، تخفیف اسلحہ اورعالمی سلامتی کے ایڈیشنل سیکرٹری سفیرطاہراندرابی نے کی، جبکہ چین کی وزارت خارجہ کے ڈائریکٹر جنرل برائے اسلحہ کنٹرول سن ژیابو نے اپنے وفد کی قیادت کی۔عالمی اور علاقائی امن و سلامتی سے متعلق امور پر تفصیلی تبادلہ خیال کرتے ہوئے اجلاس میں تخفیف اسلحہ اور عدم پھیلا سے متعلق وسیع موضوعات زیر بحث آئے، جن میں اقوام متحدہ کی جنرل اسمبلی کی فرسٹ کمیٹی، کانفرنس آن ڈس آرمامنٹ اور اہم عالمی معاہدات جیسے بائیولوجیکل و ٹاکسن ویپنز کنونشن اورکیمیکل ویپنز کنونشن شامل تھے۔ اجلاس میں اسکے ساتھ ساتھ ابھرتی ہوئی ٹیکنالوجیز اورمصنوعی ذہانت کے سیکورٹی مضمرات کا بھی جائزہ لیا گیا اور مذاکرات میں ایٹمی ٹیکنالوجی اور خلا کے پرامن استعمال میں دوطرفہ تعاون پر بھی تبادلہ خیال کیا گیا۔ اپنے دورہ بیجنگ کے دوران سفیر طاہر اندرابی نے چائنا آرمز کنٹرول اینڈ ڈس آرمامنٹ ایسوسی ایشن کے زیر اہتمام منعقدہ ایک انٹرایکٹو گول میز اجلاس میں بھی شرکت کی، جس میں سابق سفارتکاروں، ماہرین، اساتذہ اور تھنک ٹینک اراکین نے شرکت کی۔
اہم خبریں سے مزید