فرمان الہی
نماز کے اوقات
فرانس میں پاکستانی سفیر ممتاز زہرا بلوچ سے پاکستانی کمیونٹی نے ملاقات کی۔
پیرس میں پاکستانی سفارت خانے سے جاری بیان کے مطابق ملاقات میں سفیر ممتاز زہرہ بلوچ نے پیرس میں مقیم پاکستانیوں کے ساتھ بات چیت کی۔
انہوں نے پاکستان اور فرانس کے تعلقات کو فروغ دینے میں اوورسیز پاکستانیوں کے کردار کی اہمیت کو اُجاگر کیا۔
پاکستانی سفیر نے دونوں ممالک کے درمیان اتحاد کو فروغ دینے، کمیونٹی کی حمایت کرنے اور ثقافتی اور اقتصادی روابط کو مضبوط بنانے کے لیے سفارت خانے کے عزم کو اُجاگر کیا۔
سفیر ممتاز زہرا بلوچ نے پاکستان فرانس تعلقات کو فروغ دینے کے لیے تارکین وطن کی شمولیت کی اہمیت پر زور دیا۔
اس موقع پر شرکاء نے کمیونٹی کے ساتھ سفارت خانے کی مسلسل مدد اور شمولیت کو بھی سراہا۔
