فرمان الہی
نماز کے اوقات
پاکستان پیپلز پارٹی (پی پی پی) کے چیئرمین بلاول بھٹو زرداری نے خبردار کرتے ہوئے کہا کہ مون سون کے نئے آغاز پر سیلاب کی صورت حال مزید دشوار ہوسکتی ہے۔
بلاول بھٹو زرداری نے کہا کہ ہمیں ہر طرح کے حالات کے لیے تیار رہنا ہوگا، پاکستان موسمیاتی تبدیلیوں کے نشانے پر ہے، ہمیں مستقبل کا ہر منصوبہ ماحولیاتی صورت حال کو سامنے رکھ کر بنانا ہوگا۔
پی پی پی چیئرمین نے کہا کہ یہی وقت ہے قوم ہر قسم کی تقسیم بالائے طاق رکھ کر بحران کا مقابلہ کرنے کے لیے متحد ہوجائے۔
بلاول بھٹو زرداری نے پنجاب میں سیلاب سے جاں بحق افراد کے ورثاء سے اظہار افسوس کرتے ہوئے پارٹی کارکنوں اور عہدے داروں کو متاثرہ افراد کی مدد کی ہدایت کر دی۔
خیال رہے کہ پنجاب کے دریاؤں راوی، چناب اور ستلج میں بڑے سیلابی ریلے آئے، راوی میں شاہدرہ پر انتہائی اونچے درجے کا سیلاب آیا، جسڑ میں پانی کا دباؤ کم ہونے لگا۔
قصور، سیالکوٹ، نارووال، عارف والا، حافظ آباد، کمالیہ، پھول نگر، کوٹ مومن، منڈی بہاؤالدین، تاندلیانوالہ، بہاولنگر، وہاڑی اور پاکپتن میں دریا کنارے دیہات زیر آب آگئے، شہریوں نے بڑے پیمانے پر نقل مکانی کی۔
ریسکیو حکام، مقامی رضاکاروں، پاک فوج اور پاکستان رینجرز کی امدادی کارروائیاں جاری ہیں۔
وزیراعظم شہباز شریف اور وزیراعلیٰ پنجاب مریم نواز نے سیلاب سے متاثرہ علاقوں کا دورہ کرتے ہوئے فضائی معائنہ بھی کیا۔
پی ڈی ایم اے کے مطابق اس وقت 10 لاکھ کیوسک کا ریلا چناب اور 2 لا کھ کیوسک کا ریلا دریائے راوی سے گزر رہا ہے۔
