• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

6اور7ستمبر کو بجلی کی لوڈشیڈنگ نہیں کی جائے گی،کیسکو

میرا شہر
کوئٹہ
06 ستمبر ، 2025
کوئٹہ(اسٹاف رپورٹر)کوئٹہ الیکٹرک سپلائی کمپنی(کیسکو)نے عید میلادالنبی ﷺ اور یوم دفاع پاکستان کی تعطیلات کے دوران بلاتعطل بجلی فراہمی کیلئے نتظامات کئے ہیں۔ جس کے تحت 6ستمبراور7ستمبر کو بجلی کی لوڈشیڈنگ نہیں کی جائے گی اور اس دوران صوبائی دارالحکومت کوئٹہ کے تمام فیڈروں سے بلاتعطل بجلی کی فراہمی جاری رہے گی۔اسکے علاوہ تعطیلات کے دوران صوبہ کے تمام ڈسٹرکٹ ہیڈکوارٹرز فیڈروں کو بھی لوڈشیڈنگ سے مستثنیٰ قراردے دیاگیاہے۔تاہم صوبہ میں موجود تمام دیہی فیڈروں کو اُنکے پرانے شیڈول کے مطابق بجلی فراہم کی جائے گی۔ علاوہ ازیں عیدمیلادالنبیﷺ اور یوم دفاع پاکستان کی تعطیلات کے دوران کیسکوآپریشن عملہ صارفین کی شکایات کے ازالہ کیلئے اپنے دفاترمیں موجودرہیں گے جو کسی بھی علاقہ میں تکنیکی خرابی دور کرنے اوربجلی بحالی کیلئے فوری کارروائی کرے گا۔
کوئٹہ سے مزید