• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قائمہ کمیٹی برائے لینڈ ریونیو کا اجلاس

میرا شہر
کوئٹہ
06 ستمبر ، 2025
کوئٹہ(اسٹاف رپورٹر)بلوچستان اسمبلی کی قائمہ کمیٹی برائے لینڈ ریونیو کا اجلاس چیئرمین کمیٹی انجینئر زمرک خان اچکزئی کی زیر صدارت ہوا ، جس میں اراکین کمیٹی اصغر علی ترین ، مولوی نوراللہ سمیت سیکرٹری اسمبلی طاہر شاہ کاکڑ ، اسپیشل سیکرٹری اسمبلی عبدالرحمٰن اور ممبر بورڈ آف ریونیو نصراللہ ترین نے شرکت کی ۔ اجلاس میں بلوچستان لینڈ ریونیو ایکٹ 1967 میں ترمیم پر تفصیلی غور کیا گیا ۔ ترمیم کا مقصد صوبے کے ڈویژن ، اضلاع اور ذیلی ڈویژنوں کے ناموں کی تبدیلی کے عمل کو قانونی ، شفاف اور حکومتی منظوری کے تحت لانا ہے ۔ ترمیمی شق کے مطابق کسی بھی نام کی تبدیلی کے لیے بورڈ آف ریونیو کی سفارش اور حکومت (کابینہ) کی منظوری لازمی ہوگی جبکہ اس حوالے سے نوٹیفکیشن سرکاری گزٹ میں شائع کیا جائے گا ۔
کوئٹہ سے مزید