فرمان الہی
نماز کے اوقات
انٹرنیشنل کرکٹ کونسل (آئی سی سی) نے ایک روزہ اور ٹی20 کی نئی رینکنگ جاری کردی ہے۔
پاکستان کے بابر اعظم کا ایک روزہ کرکٹ میں تیسرا نمبر ہے اور ٹی20 میں وہ 3 درجہ تنزلی کے بعد 24ویں نمبر پر پہنچ گئے ہیں جبکہ محمد رضوان ٹی20 کرکٹ میں 6 درجے کی تنزلی کے بعد 28ویں نمبر پر پہنچ گئے ہیں۔
ون ڈے کی بیٹر رینکنگ میں بھارت کے شبمن گل اور ٹی 20 میں بھارت ہی کے ابھیشک شرما کی پہلی پوزیشن برقرار ہے۔
ایک روزہ بولرز کی رینکنگ میں جنوبی افریقا کے کیشو مہاراج پہلے نمبر پر ہیں اور ٹی 20 میں پہلی پوزیشن نیوزی لینڈ کے جیک ڈفی کے پاس ہے۔
انگلینڈ کے جوفرا آرچر نے لمبی چھلانگ لگائی ہے ، وہ یکدم 16 درجے سے تیسرے نمبر پر آگئے ہیں جبکہ ان کے ساتھ عادل رشید 7 درجے ترقی کے بعد 8 ویں پوزیشن پر ہیں۔
پاکستان کا کوئی بولر ٹاپ 10 میں شامل نہیں، شاہین آفریدی ون ڈے میں 2 درجے کی تنزلی کے بعد 16ویں جبکہ ٹی20 میں 4 درجے بہتری کے بعد 22 ویں پوزیشن پر پہنچے ہیں۔
ٹی20 میں گرین شرٹس کے سفیان مقیم 7 درجے ترقی کے بعد 15ویں پوزیشن پر اور ابرار احمد 39 درجے ترقی کے بعد 28ویں پوزیشن پر پہنچ ہیں جبکہ حال ہی میں ہیٹ ٹرک کرنے والے محمد نواز 13 درجے بہتری کے بعد 30ویں نمبر آگئے ہیں۔
آئی سی سی کی ون ڈے کی آل راؤنڈرز کی کیٹیگری میں زمبابوے کے سکندر رضا اور ٹی20 میں بھارت کے ہاردک پانڈیا کی پہلی پوزیشن ہے جبکہ پاکستان صائم ایوب ٹاپ ٹین آل راؤنڈرز میں10ویں نمبر پر پہنچ گئے ہیں۔
