فرمان الہی
نماز کے اوقات
بھارتی کرکٹ ٹیم کے سابق بیٹر وریندر سہواگ کا کہنا ہے کہ ویرات کوہلی کے لیے رنز بنانا اتنا ہی آسان ہے، جتنا ہمارے لیے چائے بنانا۔
بھارت کی جنوبی افریقا سے جاری ون ڈے سیریز کے پہلے میچ میں ویرات کوہلی نے کیریئر کی 52 ویں سنچری بنا کر 135 رنز کی شاندار اننگز کھیلی، جس کے بعد سوشل میڈیا پر ان کی تعریفوں کا تانتا بندھ گیا۔
بھارتی کرکٹ ٹیم کے سابق بیٹر اور ٹیسٹ کرکٹر وریندر سہواگ نے کہا کہ ویرات کوہلی نے پھر دکھایا کہ رنز بنانا ان کے لیے اتنا ہی آسان ہے، جتنا ہمارے لیے چائے بنانا اور اپنی 52 ویں سنچری بنا ڈالی۔
وریندر سہواگ نے مزید کہا کہ کوہلی ریکارڈز کا پیچھا نہیں کرتے، بلکہ ریکارڈز ان کا پیچھا کرتے ہیں، ان کی آج بھی بھوک وہی، جنون وہی ہے، کنگ ہمیشہ کنگ رہتا ہے۔
خیال رہے کہ پہلے ون ڈے میں بھارت نے جنوبی افریقا کو جیت کے لیے 350 رنز کا ہدف دیا ہے، اننگ میں بھارت نے 16 چھکے لگا کر جنوبی افریقا کے لیے رنز کا پہاڑ کھڑا کر دیا۔
