فرمان الہی
نماز کے اوقات
وفاقی وزیرِ خزانہ سینیٹر محمد اورنگزیب عالمی مالیاتی ادارے (آئی ایم ایف) اور ورلڈ بینک کے سالانہ اجلاسوں میں شرکت کے لیے امریکا پہنچ گئے۔
واشنگٹن پہنچنے پر پاکستانی سفارت خانے کے اعلان افسران نے وزیرِ خزانہ اور وفد کے ارکان کا استقبال کیا۔
وزیرِ خزانہ دونوں اداروں کے پلینری اجلاسوں میں پاکستان کی نمائندگی کریں گے اور ساتھ ہی حکام سے ملاقاتیں بھی کریں گے۔
سینیٹر محمد اورنگزیب آئی ایم ایف کی ایم ڈی کرسٹالینا جارجیوا اور ورلڈ بینک کے اجے بنگا سے بھی ملاقات کریں گے، اُن کی وائٹ ہاؤس کے اعلیٰ حکام سے ملاقاتیں بھی شیڈول ہیں۔
محمد اورنگزیب ورلڈ اکنامک فورم کے زیرِ اہتمام دو اہم ایونٹس میں شریک ہوں گے، چین، برطانیہ، سعودی عرب، ترکیہ اورآذربائیجان کے ہم منصب قائدین سے ملاقاتیں بھی کریں گے۔
وفاقی وزیر خزانہ اس دورے کے دوران مختلف سرمایہ کاری فورمز اور سیمینارز سے خطاب کر کے پاکستان کا معاشی منظر نامہ واضح کریں گے۔
محمد اورنگزیب کا دورہ 6 دنوں پر محیط ہے، وہ اس دوران 65 سے زائد ایونٹس، فورمز، تقریبات، نشستوں اور ملاقاتوں میں شریک ہوں گے۔
