فرمان الہی
نماز کے اوقات
خاتونِ اوّل آصفہ بھٹو زرداری کا کہنا ہے کہ مملکتِ بحرین کی بصیرت افروز قیادت اور اس کے بامعنی اقدام کو خراجِ تحسین پیش کرتی ہوں، شہزادی سبیکہ بنتِ ابراہیم الخلیفہ گلوبل ایوارڈ برائے خواتین کی بااختیاری کی تقریب میں شرکت باعثِ اعزاز ہے۔
تقریب سے خطاب کرتے ہوئے انہوں نے کہا کہ دنیا میں صنفی مساوات کو فروغ دینے اور خواتین کو بااختیار بنانے کی کوشش کو سراہتے ہیں، یہ ایوارڈ خواتین کی شمولیت، انصاف اور مواقع کی نمائندگی کرتا ہے۔
آصفہ بھٹو نے کہا کہ خواتین کو بااختیار بنانا صرف انصاف کا تقاضہ نہیں بلکہ یہ پائیدار ترقی کے دروازے کھلنے کی کنجی ہے، محترمہ فاطمہ جناح سے لے کر شہید بے نظیر بھٹو تک خواتین کی پُر عزم قیادت میسر رہی ہے، ان کی قیادت نے ناصرف سیاست بلکہ پاکستان کے معاشرتی ڈھانچے کو بھی بدل دیا۔
ان کا مزید کہنا ہے کہ شہید بے نظیر بھٹو نے اسلامی دنیا کی پہلی خاتون وزیرِ اعظم منتخب ہو کر دنیا میں خواتین کی قیادت کے معنی بدل دیے، انہوں نے لیڈی ہیلتھ ورکر پروگرام اور لڑکیوں کی تعلیم جیسے اقدامات کیے۔
خاتونِ اوّل آصفہ بھٹو زرداری کا یہ بھی کہنا ہے کہ شہید بے نظیر بھٹو کی زندگی آج بھی ایک مصنف اور خوش حال قوم کا خواب دیکھنے والے ہر پاکستانی کے لیے مشعلِ راہ ہے۔
