فرمان الہی
نماز کے اوقات
اقوام متحدہ میں پاکستان کے مستقل مندوب عاصم افتخار نے کہا ہے کہ کشمیریوں کے حق خودارادیت کا احترام کیا جانا چاہیے۔
نیویارک میں یومِ یکجہتی کشمیر پر تقریب سے خطاب میں انہوں نے کہا کہ مقبوضہ علاقوں میں اقوام متحدہ کی قراردادوں اور انسانی حقوق کا خیال رکھنا چاہیے۔
انہوں نے کہا کہ مقبوضہ علاقوں میں بڑی تعداد میں لوگ مشکل میں رہتے ہیں، مقبوضہ علاقوں میں تعلیم، صحت اور سماجی زندگی متاثر ہوتی ہے۔
عاصم افتخار کا کہنا تھا کہ مقبوضہ جموں و کشمیر میں ماورائے عدالت قتل کیے جاتے ہیں، 5 اگست 2019 کو مقبوضہ جموں و کشمیر میں غیرقانونی اقدامات کیے گئے۔
پاکستان کے مستقل مندوب نے کہا کہ مقبوضہ کشمیر میں مسلسل لاک ڈاؤن سے تعلیمی ادارے بند ہیں۔ مسلسل کرفیو نے سیاحت، زراعت اور دیگر شعبوں کو بری طرح متاثر کیا ہے۔
