فرمان الہی
نماز کے اوقات
آئی سی سی ٹی ٹوئنٹی ورلڈکپ 2026 میں یو اے ای کے اوپنر محمد ذوہیب کو ٹیم منیجمنٹ نے بھارت سے واپس بھجوادیا، ذوہیب نے الزام لگایا کہ پاکستانی ہونے کی وجہ سے مجھے ٹیم سے نکالا گیا۔
اماراتی کرکٹ بورڈ کا کہنا ہے کہ محمد ذوہیب کو نظم و ضبط کی خلاف ورزیوں کی بنیاد پر بھارت سے دبئی واپس بھیجا گیا ہے۔ اس معاملے پر مزید تفصیلات مناسب وقت پر جاری کی جائیں گی، اس مرحلے پر مزید کوئی تبصرہ نہیں کرنا چاہتے۔
اس سے پہلے محمد ذوہیب نے الزام لگایا تھا کہ ساری ٹیم مینجمنٹ کا تعلق بھارت سے ہے، پاکستانی ہونے کی وجہ سے انہیں ٹیم سے باہر نکالا گیا ہے۔ محمد ذوہیب نے اماراتی کرکٹ بورڈ سے معاملے کی تحقیقات کا مطالبہ کیا ہے۔
یو اے ای کی کرکٹ ٹیم اس وقت بھارتی شہر چنائی میں ٹی20 کرکٹ ورلڈ کپ کھیلنے کے لیے موجود ہے۔
