فرمان الہی
نماز کے اوقات
وزیراعظم شہباز شریف نے بنگلادیش نیشنلسٹ پارٹی (بی این پی) کے سربراہ طارق رحمان کو جلد پاکستان کے دورے کی دعوت دی۔
شہباز شریف کا بنگلادیش نیشنلسٹ پارٹی کے سربراہ طارق رحمان سے ٹیلیفونک رابطہ ہوا، جس میں طارق رحمان کو بنگلادیش نیشنلسٹ پارٹی کی انتخابی کامیابی پر مبارکباد دی۔
اعلامیے کے مطابق وزیرِاعظم نے بنگلادیش کے عوام کو کامیاب عام انتخابات کے انعقاد پر مبارکباد پیش کی، پاکستان اور بنگلادیش کے درمیان دو طرفہ تعاون مزید بڑھانے کے عزم کا اظہار کیا گیا، رابطےمیں رہنے، عوامی فلاح کے لیے مل کر کام کرنے پر اتفاق کیا گیا۔
دونوں رہنماؤں نے باہمی دلچسپی اور خطے کے امن و ترقی کے امور پر تبادلہ خیال کیا۔
اس موقع پر بیگم خالدہ ضیاء کی پاک بنگلادیش تعلقات کے لیےخدمات کو خراجِ عقیدت پیش کیا گیا۔
