فرمان الہی
نماز کے اوقات
ویسٹ انڈیز کے گوداکیش موتی اور زمبابوےکے بلیسنگ موزاربانی نے پاکستان سپر لیگ (پی ایس ایل) 11سے دستبرداری کا فیصلہ کیا ہے۔
گودا کیش موتی لاہور قلندرز کے اسکواڈ میں شامل تھے، انہوں نے اپنے فیصلے سے پی ایس ایل فرنچائز کو آگاہ کردیا ہے۔
انتظامیہ لاہور قلندرز کا کہنا تھا کہ گوداکیش موتی کی جگہ سری لنکا کے دنیتھ ویلالاگے کو اسکواڈ میں شامل کیا جائے گا، جس کا اعلان جلد ہوگا۔
کرکٹ ویب سائٹ کے مطابق گودا کیش موتی نے سفری مشکلات کی وجہ سے پی ایس ایل سے دستبرداری کا فیصلہ کیا، وہ ورلڈ کپ میں پھنسی ویسٹ انڈیز اسکواڈ کا حصہ تھے۔
دوسری طرف اسلام آباد یونائیٹڈ کے فاسٹ بولر بلیسنگ موزاربانی نے بھی پی ایس ایل سے دستبرداری کا اعلان کیا ہے۔
ویب سائٹ کے مطابق زمبابوے کے فاسٹ بولر نے اسلام آباد یونائیٹڈ کو آگاہ کردیا ہے، اُن کا بھارتی لیگ میں کولکتہ نائٹ رائیڈرز کے ساتھ معاہدہ ہوا ہے، جس کا باقاعدہ اعلان سامنے آیا ہے۔
