فرمان الہی
نماز کے اوقات
نائب وزیراعظم اور وزیر خارجہ سینیٹر اسحاق ڈار نے ایرانی ہم منصب عباس عراقچی کے بیان کا خیر مقدم کیا ہے۔
سماجی رابطے کی ویب سائٹ پر جاری بیان میں اسحاق ڈار نے کہا کہ میں اپنے بھائی عباس عراقچی کی پاکستان سے متعلق وضاحت کا خیر مقدم کرتا ہوں ۔
اس سے قبل ایرانی وزیر خارجہ نے کہا تھا کہ ہم نے مذاکرات کےلیے اسلام آباد جانے سے کبھی انکار نہیں کیا،جنگ بندی کےلیے پاکستان کی کوششوں کا شکریہ ادا کرتے ہیں۔
انہوں نے مزید کہا کہ ایران ان شرائط پر زور دیتا ہے کہ جنگ کا جامع اور دائمی خاتمہ ہونا چاہیے، امریکی میڈیا ایران کا موقف غلط طریقے سے پیش کر رہا ہے۔
عباس عراقچی نے یہ بھی کہا کہ کیا آپ کو یوکرینی جوہری پاورپلانٹ کے قریب جھڑپوں پر مغربی دنیا کا غم و غصہ یاد ہے۔
سوشل میڈیا پر اپنے بیان کے آخر میں عبا س عراقچی نے پاکستان زندہ باد بھی لکھا اور پاکستان شکریہ کی وڈیو بھی شیئر کی۔
